Kape de Ylocos Trade Fair, naangay

Indauluan da Gob. Jeremias “Jerry” Singson (Maikatlo manipus kanawan) ken Bise Gobernador Ryan Luis Singson (maikadua iti kanigid) ti pannakagetteng ti laso kas mangipasimudaag iti panaglukat ti Kape de Ylocos Trade Fair idi Octobre 24, 2022. Karaman kadagiti sangaili da Vigan City Mayor Bonito Singson, sigud a Mayor Chavit Singson ken LMP pres. Germelina Goulart.

Vigan City—Tapno masustiner ti kinangato ti kalidad ti Rubosta a kape a patanor ti Ilocos Sur, inyusuat ti Gobierno Probinsial ti Ilocos Sur ti Kape de Ylocos Trade Fair manipud Octobre 24-28, 2022 iti Provincial Farmers Livelihood Development Center, iti Siudad ti Vigan. Sangapulo ken lima a coffee shops/establishmentsken lima nga coffee producing upland municipalitiesti nangipatakder iti booth-da. Inarak dagiti managkape nga Ilocano dagiti boothtapno ramananda ti templa dagiti propessional a barista a nagusar kadagiti local a binukel ti kape (coffee beans) a produkto dagiti ili ti Sigay, Sugpon, Salcedo ken Suyo.

Iti panglukat a programa, kinuna ni Ilocos Sur Gobernador Jeremias “Jerry” Singson a ganuat ket maysa a wagas ti gobierno probinsial tapno makapatanor pay iti ad-adu nga award winning coffee producersa kas ken ni Mabini Ubuan ti ili a Sigay a nangiyalat iti umuna a puesto iti International Cupping Event iti World of Coffee sadiay Milan, Italy itay kallabes kasta metten a tapno makabangon dagiti coffee shops ken mannalon iti kape manipud iti epekto ti COVID-19 pandemic.

Naangay met iti maikadua nga aldaw ti Sustainability Coffee Forum. Ditoy a nagsarita ken nangipaay iti technical assistancedagiti mangibagi iti Department of Agriculture ken Department of Trade and Industry kadagiti coffee stakeholdersti Ilocos Sur.

Iti panagsaritana iti nadakamat a forum kinuna ti Ilocos Sur Bise Gobernador Ryan Luis Singson, dinawatna kadagiti producers ken iti amin a negosiante nga agur-usar iti kape a kasapulan ti panangtutokda ken pananggundawayda iti dumakdakkel a merkado ti local a  kape tapno makatulong iti local nga ekononia ti Ilocos Sur.

“Itultuloytayo a pasayaaten ti kalidad ti patanortayo a kape, saluadantayo ti aglawlaw ken siguraduentayo ti agtultuloy a pannakapasayaat ti ekonomia para kadagiti amin nga stakeholders ti kape,” innayon ti bise gobernador.

Naangay pay ti naduma-duma a pasalip a pakairamanan ti Latte Art ken Specialty Competition para kadagiti barista. Agpada nga inyalat ti Café Amian dagiti nadakamat a salip. Iti met Latte Art Competition (Student Category), inyalat ni BJ Padre ti Ilocos Sur Community College ti umuna a puesto.

Booth dagiti coffee shops a nakipagpaset iti trade fair.

Iti Top Three Best Aroma Coffee Beans, inyalat ti ili a Suyo ti umuna a puesto, Sigay ken Sugpon iti maikadua ken maikatlo a puesto kas panagsaganadda. (Mancielito S.  Tacadena)