 |
| Tapno mapasayaat pay dagiti agrarian reform beneficiaries organizations ti pannakamaneher dagiti gungloda, nangiwayat ti DAR Ilocos Norte ti training maipanggep ti strategic planning ken management. (Photo courtesy of Ms. Gina Ruiz) |
Nangiwayat ti Department of Agrarian Reform-Ilocos Norte ti maysa a training maipanggep ti Strategic Planning and Management idiay Barangay Nagrebcan, Badoc, Ilocos Norte.
Dagiti timmabuno iti daytoy a panagsanay ket dagiti opisyal ti Nagrebcan-Paruyan Rural Waterworks and Sanitation Association (RWSA). Ti Nagrebcan-Paruyan RWSA ket maysa kadagiti agrarian reform beneficiaries organizations wenno ARBOs nga adda iti aywan ti DAR Ilocos Norte.
Dagiti dadduma pay nga ARBOs a dimmalan iti nasao a training ket ti Tribal Agrarian Reform Cooperative ti Nueva Era, SWISA ti Nagsurot iti Burgos ken Camguidan Multipurpose Cooperative iti Batac City.
Kuna ni Provincial Agrarian Reform Program Officer II Vic M. Ines, babaen iti nasao a training, mapasayaat pay dagiti ARBOs ti pannakamaneher dagiti gungloda.
Kabayatanna, mangiwayatto pay ti DAR Ilocos Norte ti maysa a training maipapan ti Basic Bookkeeping ken Accounting.
Dagiti gropo a makipartisipar iti daytoy a training ket dagiti sumaganad: San Juan Irrigators Association (IA); Madupayas RWSA ti Badoc; Anggapang IA ti Currimao; Nagrebcan – Paruyan RWSA ti Badoc; Zanjera Pimentel ti Currimao; Zanjera San Pedro ti Vintar; Balbaldez IA ti Badoc; SJSC RWSA ti Sarrat; ken SWISA ti Nagsurot ti Burgos.
***
BARD NOTES: Happy bard-reading to Badoc ABC President Virgilio Calajate, Ilocos Norte Provincial Treasurer Josephine P. Calajate, INEC President Enrico Ruiz, INEC Director Joseph Vergel P. Calajate, Provincial Agrarian Reform Program Officer II Vic M. Ines, DAR Chief Administrative Officer Rudy Acacio, Ms. Genedine Domingo Jambaro and PNB Pasuquin Branch Manager Metty V. Guerrero.
Greetings also to the employees of JVC Consortium, AMA Laoag, Ilocos Norte Regional School of Fisheries, Laoag City PNP, DAR Ilocos Norte, DepEd Laoag, DepEd Ilocos Norte and PNB Pasuquin.