 |
| Babaen ti liderato ni provincial agrarian reform program officer II Vic M. Ines, naruay a programa ken proyekto ti naipatungpal ti Department of Agrarian Reform-Ilocos Norte iti tawen 2019. |
Gapu itinapintas a liderato ni provincial agrarian reform program officer II (PARPO II) Vic M. Ines, adu dagiti a naimplementar a proyekto ken programa ti DAR-Ilocos Norte iti tawen 2019.
Iti naangay a 2019 Year-End Summative Assessment and 2020 Planning Conference ti Department of Agrarian Reform itay laeng kallabes, nairakurak dagiti nagappuanan ti DAR-Ilocos Norte.
Karaman kadagiti accomplishment ti nasao nga opisina ket dagiti sumaganad: Top 3 Nationwide iti Information Technology Maturity Assessment; Top 20 iti Agrarian Reform Beneficiaries Membership ken Top 2 iti Social Infrastructure Building wenno panangited ti training kadagiti kameng dagiti naduma-duma nga agrarian reform beneficiaries organization.Nagbalin met ti DAR Regional Office 1 wenno DARRO 1 a top performer iti benneg ti Agrarian Justice Delivery Program. Rank 1 ti DARRO 1 iti Case Resolution ken Rank 2 iti Zero Backlog Compliance.
Inbatad ni PARPO II Vic M. Ines nga agtultuloy latta ti DAR-Ilocos Norte a mangiburay kadagiti napipintas a serbisyo kadagiti umili, nangnangruna kadagiti agrarian reform beneficiaries.
Kabayatanna, naiwayat ti pannakapirma ti Memorandum of Agreement (MOA) iti nagbedngan ti DAR – Ilocos Norte ken Zanjera Tambuli Irrigators’ Association.
Linaun ti nasao a MOA dagiti katulagan maipanggep ti pannakausar ken pannakataripato ti hand tractor nga ited ti DAR-Ilocos Norte iti Zanjera Tambuli.
Ti pannakaited ti hand tractor ket paset ti Climate Resilient Farm Productivity Support – Sustainable Livelihood Project ti DAR.
Maysa ti Zanjera Tambuli kadagiti agrarian reform beneficiary organization iti probinsia. Masarakan daytoy iti Barangay Abucay, Piddig, Ilocos Norte.
***
BARD NOTES: Happy bard-reading to Badoc ABC President Virgilio Calajate, Ilocos Norte Provincial Treasurer Josephine P. Calajate, INEC President Enrico Ruiz, INEC Director Joseph Vergel P. Calajate, Provincial Agrarian Reform Program Officer II Vic M. Ines, DAR Chief Administrative Officer Rudy Acacio, Ms. Genedine Domingo Jambaro and PNB Pasuquin Branch Manager Metty V. Guerrero.
Greetings also to the employees of JVC Consortium, AMA Laoag, Ilocos Norte Regional School of Fisheries, Laoag City PNP, DAR Ilocos Norte, DepEd Laoag, DepEd Ilocos Norte and PNB Pasuquin.