 |
| Siamapulo ket uppat a burias ti inbunong ti Department of Agrarian Reform – Ilocos Norte kadagiti agrarian reform beneficiaries iti Nueva Era ken Solsona. |
Indauluanni provincial agrarian reform program officer II Vic M. Ines ti pannakaibunong ti innem a pulo a burias kadagiti agrarian reform beneficiaries (ARB) iti ili ti Nueva Era.
Dagiti naikkan ti taraknen a burias ket dagiti kamkameng ti Tribal Agrarian Reform Cooperative iti Brgy. Poblacion iti nasao nga ili.
Tallopulo ket uppat met a burias ti naited kadagiti ARB manipud iti Lucky Agrarian Reform Cooperative iti ili ti Solsona.
Dagiti burias ket napasurutan pay kadagiti starter, grower ken finisher feeds kas tulong iti nasayaat a pannakatarakenda.
Iti met Brgy. Garnaden iti ili ti Nueva Era, ginasgasut a sako ti fertilizer, insecticide ken pesticide ti naibunong kadagiti farmer beneficiaries ti Comprehensive Agrarian Reform Program.
Inbatad ni PARPO II Ines a dagiti nasao nga aktibidad ket naipatungpal babaen ti Convergence on Livelihood Assistance for Agrarian Reform Beneficiaries Project (CLAAP).
Ti CLAAP ket programa a nagbinnuligan ti Department of Agrarian Reform ken Department of Social Welfare and Development tapno matulungan dagiti ARB a mangparang-ay pay ti panagbiagda.
***
Kabayatanna, iwayat ti BAD Circle Runners (BCR) ti agtinawen a West Riverside Outreach inton Diciembre 30, 2019 iti Brgy. 6, Laoag City.
Iti nasao nga outreach, agibunongto ti BCR kadagiti bagas, noodles, canned goods ken naduma-duma pay a grocery items.
Mangiwayatdanto pay ti Christmas party ken gamespara kadagiti ub-ubbing manipud kadagiti barbarangay iti West Riverside.
***
BARD NOTES: Happy bard-reading to Badoc ABC President Virgilio Calajate, Ilocos Norte Provincial Treasurer Josephine P. Calajate, INEC President Enrico Ruiz, INEC Director Joseph Vergel P. Calajate, Provincial Agrarian Reform Program Officer II Vic M. Ines, DAR Chief Administrative Officer Rudy Acacio, Ms. Genedine Domingo Jambaro and PNB Pasuquin Branch Manager Metty V. Guerrero.
Greetings also to the employees of JVC Consortium, AMA Laoag, Ilocos Norte Regional School of Fisheries, Laoag City PNP, DAR Ilocos Norte, DepEd Laoag, DepEd Ilocos Norte and PNB Pasuquin.