Tallo atraktura ken uppat a hauling truck ti naibunong kadagiti agrarian reform beneficiariesorganization babaen ti Climate Resilient Farm Productivity Support Program ti Department of Agrarian Reform-Ilocos Norte.
Indauluan ni Engr. Leandro M. Caymo, baro a regional directorti DAR Region I, ti pannakaibunong ti tallo a traktura ken uppat a hauling truck kadagiti agrarian reform beneficiaries organizations wenno ARBOs iti Ilocos norte.Inpalgak ni provincial agrarian reform program officer II Vic M. Ines a dagiti ARBOs a naikkan ti tractor ket dagiti sumaganad: San Cristobal Multipurpose Cooperative ti Sarrat; Bomitog Multipurpose Cooperative ti Banna; ken Sansa Nagcamarinan Irrigators Association ti Burgos.
Dagiti met recipient ti hauling truck, kuna ni Mr. Ines, ket ti Catangraran Agrarian Reform Cooperative ti Solsona, Tambidao Multipurpose Cooperative ti Bacarra, Namnama ARBs Multipurpose Cooperative ti Piddig ken Catuguing Multipurpose Cooperative ti San Nicolas.
Ti balor ti kada tractor, karaman dagiti maikabit a farm implements, ket agarup PHP950,000. Kabayatanna, nasurok met a PHP1.1 million ti balor ti maysa a hauling truck.
Itay kallabes, naiwayat ti pannakapirma ti memorandum of agreement (MOA) iti nagbaetan ti DAR Ilocos Norte ken dagiti recipientdagiti “pre- and post-harvest facilities.”
Naipalaon iti MOA dagiti obligasion dagiti nasao nga ARBO iti pannakausar ken pannakataripato dagiti nadakamat a pasilidad.
Ti pannakaibunong dagiti traktura ken hauling truck ket paset pay laeng ti Climate Resilient Farm Productivity Support Program ti DAR Ilocos Norte.
***
BARD NOTES: Happy bard-reading to Badoc ABC President Virgilio Calajate, Ilocos Norte Provincial Treasurer Josephine P. Calajate, INEC President Enrico Ruiz, INEC Director Joseph Vergel P. Calajate, Provincial Agrarian Reform Program Officer II Vic M. Ines, DAR Chief Administrative Officer Rudy Acacio, Ms. Genedine Domingo Jambaro and PNB Pasuquin Branch Manager Metty V. Guerrero.
Greetings also to the employees of JVC Consortium, AMA Laoag, Ilocos Norte Regional School of Fisheries, Laoag City PNP, DAR Ilocos Norte, DepEd Laoag, DepEd Ilocos Norte and PNB Pasuquin.