 |
| Tapno masursuruan dagiti kooperatiba a mangiwayat kadagiti naurnos a taripnong, maysa a serye ti parliamentary procedure training ti inisponsoran ti Department of Agrarian Reform-Ilocos Norte. |
Nangiwayatti Department of Agrarian Reform-Ilocos Norte ti maysa a serye ti trainingseknan ti parliamentary procedure.
Kuna ni agrarian reform program officer II Jocelyn M. Basilio, ti nasao a training ket naipaay kadagiti kooperatiba nga imanmaneher dagiti agrarian reform beneficiaries iti probinsia.Inbatad ni Ms. Basilio a gagem ti parliamentary procedure training a masursuruan dagiti opisial dagiti kooperatiba iti umno a wagas ti panangiwayat kadagiti taripnong ken nadumaduma pay nga aktibidad.
Karaman kadagiti nagbalin a topiko iti training ket dagiti sumaganad: konsepto ken proseso ti parliamentary procedure; panangipakat ti parliamentary procedure kadagiti taripnong; ken panangiwayat ti nabunga a meeting.
Iti daytoy maikadua a semestre ti tawen, sangapulo ket innem a kooperatiba ti dumalan iti parliamentary procedure training ti DAR-Ilocos Norte.
***
Kabayatanna, inrakurak ni provincial agrarian reform program officer II Vic M. Ines a maiwayat ti panagturpos dagiti mannalon a nagadal iti kaudian a farm business school wenno FBS ti DAR-Ilocos Norte.
Kuna ni Mr. Ines, agarup innem-a-pulo a mannalon manipud Capacuan Multipurpose Cooperative (MPC) ti Batac ken Bugnay Development Cooperative ti San Nicolas ti agturpos iti FBS.
Babaen iti 25 sessions ti FBS, naiyadal kadagiti mannalon ti umno a panangmanaher kadagiti produktoda tapno lalo pay a dumakkel dagiti mapastrekda.
Karaman kadagiti kangrunaan a naisuro kadakuada ket bookkeeping, cash flows, market surveys, labor, product selling, product costing ken packaging.
Maiwayat ti graduation ceremony ti FBS para kadagiti mannalon ti Capacuan MPC ken Bugnay Development Cooperative inton October 28 ken October 29, 2019.
***
BARD NOTES: Happy bard-reading to Badoc ABC President Virgilio Calajate, Ilocos Norte Provincial Treasurer Josephine P. Calajate, INEC President Enrico Ruiz, INEC Director Joseph Vergel P. Calajate, Provincial Agrarian Reform Program Officer II Vic M. Ines, DAR Chief Administrative Officer Rudy Acacio, Ms. Genedine Domingo Jambaro and PNB Pasuquin Branch Manager Metty V. Guerrero.
Greetings also to the employees of JVC Consortium, AMA Laoag, Ilocos Norte Regional School of Fisheries, Laoag City PNP, DAR Ilocos Norte, DepEd Laoag, DepEd Ilocos Norte and PNB Pasuquin.