 |
| Nasurok a sangagasut nga agrarian reform beneficiaries organization iti Ilocos Norte ti agdama a dumaldalan iti Information Technology-Enabled Maturity Assessment wenno ITeMA ti Department of Agrarian Reform. (Photo by Mr. Rommel R. Aquino) |
Manarimaan ti panangipatpatungpal ti Department of Agrarian Reform-Ilocos Norte ti Information Technology-Enabled Maturity Assessment wenno ITeMA kadagiti narway nga agrarian reform beneficiaries organizations wenno ARBOs iti probinsia.
Ti ITeMA ket sistema a pinutar ti DAR babaen ti information technology tapno ma-monitorti “maturity level” wenno nagdur-asanen dagiti ARBOs.
Babaen iti IT system, makita dagiti rumbeng pay a mapasayaat iti operasion dagiti ARBOs. Daytoy ket tapno maammuan met ti DAR no ania pay dagiti programa ken proyekto a masapul nga iwayatda.
Kuna ni Mr. Rommel R. Aquino, planning officer II ti DAR Ilocos Norte, agarup 104 nga ARBOS ti dumalan iti ITeMA ditoy Ilocos Norte.
Dagiti kameng ti team ti DAR Ilocos Norte a mangipatungpal ti ITeMA ditoy probinsiatayo ket isuda: planning officer II Rommel R. Aquino, agrarian reform program officer I Rodolfo N. Garcia, agrarian reform program officer I Joseph C. Barut ken acting agrarian reform program officer I Erlyn B. Manuel.
***
Kabayatanna, inrakurak ni provincial agrarian reform program officer II Vic M. Ines nga agibunong ti Department of Agrarian Reform-Ilocos Norte kadagiti hauling truck kadagiti agrarian reform beneficiaries organizations wenno ARBOs iti probinsia.
Kuna ni Mr. Ines, babaen kadagitoy a truck, al-alisto ti pannakai-transport wenno pannakabunag dagiti produkto dagiti ARBOs.
Innayon ni Ines nga agserbi pay a pamastrekan dagitoy dagiti ARBOs gapu ta mabalinda nga iparenta kadagiti agkasapulan ti hauling truck.
Dagiti maikkan kadagiti truck ket dagiti sumaganad: Tambidao Multipurpose Cooperative ti Bacarra; Catangraran Agrarian Reform Cooperative ti Solsona; Namnama ARB Multipurpose Cooperative ti Piddig; ken Catuguing Multipurpose Cooperative ti San Nicolas.
Ti balor ti kada hauling truck a maited kadagiti nasao nga ARBOs ket agarup PHP1 million.
Ti pannakaibunong dagitoy a pasilidad ket paset pay laeng ti “Climate Resilient Farm Productivity Support Program” ti DAR Ilocos Norte.
***
BARD NOTES: Happy bard-reading to Badoc ABC President Virgilio Calajate, Ilocos Norte Provincial Treasurer Josephine P. Calajate, INEC President Enrico Ruiz, INEC Director Joseph Vergel P. Calajate, Provincial Agrarian Reform Program Officer II Vic M. Ines, DAR Chief Administrative Officer Rudy Acacio, Ms. Genedine Domingo Jambaro and PNB Pasuquin Branch Manager Metty V. Guerrero.
Greetings also to the employees of JVC Consortium, AMA Laoag, Ilocos Norte Regional School of Fisheries, Laoag City PNP, DAR Ilocos Norte, DepEd Laoag, DepEd Ilocos Norte and PNB Pasuquin.