Inbatad ni provincial agrarian reform program officer II Vic M. Ines a dagiti laeng legal a processing fee ti mabayadan kadagiti serbisio nga ipapaay ti Legal Division iti Department of Agrarian Reform-Ilocos Norte.
Karaman kadagiti serbisio nga ipapaay ti Legal Division ti DAR Ilocos Norte ket ti pannakaited aksion kadagiti aplikasion para iti DAR clearance, certification ken conversion.
Kuna ni Mr. Ines, libre wenno awan mabayadan kadagitoy a serbisio malaksid laeng iti bassit a processing fee a maikkan pay ti opisial a resibo manipud iti gobierno.Malagip nga adda dagiti paglintegan a mangipawpawil ti panagdawat wenno panagawat dagiti empleado ti gobierno ti kuarta manipud kadagiti umili nga agpatpatulong kadagiti opisinada.
Kuna ni Mr. Ines a sursuruten ti DAR Ilocos Norte ti tema ti selebrasion ti Philippine Civil Service Anniversary iti daytoy a tawen nga “Upholding Integrity and Building a High-Trust Society” wenno pannakapatibker ti integridad ken talek kadagiti agpapaay ti gobierno.
Innayunna pay a serioso ti opisinana a mangipatungpal ti transparency, accountability, gender equality, fairness ken justice kadagiti umili, nangnangruna kadagiti beneficiaries ti Comprehensive Agrarian Reform Program.
***
Kabayatanna, mangiwaywayat ti DAR Ilocos Norte ti serye ti training-workshopseknan ti “Formulation of Lending Policies, Systems and Procedures” para kadagiti naduma-duma a kooperatiba iti probinsya.
Daytoy ket tapno maammuan dagiti kooperatiba dagiti pagannurutan, sistema ken addang iti panagutang babaen ti Agrarian Production Credit Program, wenno APCP.
Gagem ti APCP a mangpautang kadagiti agrarian reform beneficiaries organizations wenno ARBOs, kas koma kadagiti kooperatiba.
Daytoy a pautang ti i-“relend” wenno ipautang met dagiti ARBOs kadagiti miembroda a mabalinda nga usaren para kadagiti “agri-production projects and activities.”
Ti kauddian a bansada ti training-workshop ket inatenderan dagiti sumaganad nga ARBOs: Ver Multipurpose Cooperative (MPC) ken Salucag MPC ti Dingras; Capacuan MPC ken Camguidan MPC ti Batac; ken Mumulaan Farmers MPC ti Paoay.
Dagiti partikular nga immatender ket dagiti chairperson, manager, secretary, treasurer, bookkeeper, credit committee ken audit committee dagiti nasao a kooperatiba.
***
BARD NOTES: Happy bard-reading to Badoc ABC President Virgilio Calajate, Ilocos Norte Provincial Treasurer Josephine P. Calajate, INEC President Enrico Ruiz, INEC Director Joseph Vergel P. Calajate, Provincial Agrarian Reform Program Officer II Vic M. Ines, DAR Chief Administrative Officer Rudy Acacio, Ms. Genedine Domingo Jambaro and PNB Pasuquin Branch Manager Metty V. Guerrero.
Greetings also to the employees of JVC Consortium, AMA Laoag, Ilocos Norte Regional School of Fisheries, Laoag City PNP, DAR Ilocos Norte, DepEd Laoag, DepEd Ilocos Norte and PNB Pasuquin.