Image may be NSFW.
Clik here to view.
Itay nabiit, nakakitakam man dita sentro ti Laoag ti maysa a kurong-kurong a nagkarga ti hamburger buns, maysa a klase ti tinapay. Kinagpaysuananna, napno ti sidecarna kadagitoy a makan. Ti dakesna, awan abbong wenno umno a proteksyon dagitoy a tinapay manipud iti tapok, rugit ken asuk. Sa pay laeng tay akinrabaw a buns, pinarabawanda ti naangdod a sweatshirt. Dikam la ngamin nakaala ti gundaway a mangpicture. Siasinno ngata ti pakaideliveran wenno pakailakuan dagitoy? Kadagiti maseknan nga agar-aramid ken agang-angkat kadagitoy a makan, makonsensya kay koma met. Ipapauneg dagita dagiti agtaltalek a customersyo. Sapay koma ta adda aramiden ti ciudad tapno masierto a nadalus dagiti mailaklako a makan ditoy lugartayo.
Clik here to view.
Itay nabiit, nakakitakam man dita sentro ti Laoag ti maysa a kurong-kurong a nagkarga ti hamburger buns, maysa a klase ti tinapay. Kinagpaysuananna, napno ti sidecarna kadagitoy a makan. Ti dakesna, awan abbong wenno umno a proteksyon dagitoy a tinapay manipud iti tapok, rugit ken asuk. Sa pay laeng tay akinrabaw a buns, pinarabawanda ti naangdod a sweatshirt. Dikam la ngamin nakaala ti gundaway a mangpicture. Siasinno ngata ti pakaideliveran wenno pakailakuan dagitoy? Kadagiti maseknan nga agar-aramid ken agang-angkat kadagitoy a makan, makonsensya kay koma met. Ipapauneg dagita dagiti agtaltalek a customersyo. Sapay koma ta adda aramiden ti ciudad tapno masierto a nadalus dagiti mailaklako a makan ditoy lugartayo. ***
No obserbarenyo a nasayaat dagiti de-sarming a food display stand dagiti aglaklako ti taraon ditoy ciudad ti Laoag, adu dagiti makitayo nga agsikaw-sikaw a ngilaw, bingraw pay no dadduma. Saan met ketdi nga isuda amin, ngem adu dagiti makitkitami a kasta ti sitwasyonna, nangnangruna dagiti panaderia ken karinderia. Saan ngamin nga umanay ti “Health ID” dagiti food handler a requirementti ciudad. Masapul koma nga igetan ti ciudad ti pannakakita ti proseso ti pannakaaramid, pannakai-transport, pannakai-display ken pannakai-serbi dagiti mailaklako a makan. Narikut unay a proseso, mabalin a kunayo. Ngem salun-at ti pagsasaritaan, isu a saan a rumbeng a sinsinan ti maipakat a proteksion.
***
Malaksid iti pannaka-monitor a nasayaat dagitoy a food handler, adda koma pay regular a seminarda babaen iti city government. Masansan met nga adda dagitay iwaywayat ti ciudad a seminar seknan iti naduma-duma a banag. Sapay koma ta mangiwayatda met ti regular a pannakaiyadal kadagiti food handler ti umno a pannakaproteher ti salun-at dagiti customerda. Umad-adun dagiti tao nga um-umay ditoy Laoag, kas koma kadagiti turista ken dagiti estudiante. Isu a nayunan koma pay ti ciudad ti alibtakna a mangsalwad ti salun-at, saan koma a sitsitik ken paporma laeng.
***
Kamaudiananna, palagipantay manen ti maysa a supermarket idtoy Laoag seknan ti panangitulokda a paggarahean dagiti delivery truck ti maysa a pedestrian lane iti Bonifacio St. “Ne, apay a ti supermarket ti mapalagipan”, mabalin a kunayo. Ngamin dagitoy a lugan ti mapan agideldeliver kadagiti produkto dita a pagtagilakuan. Pagbalinenda metten a product unloading area ken garahe dayta a pedestrian lane. Asideg ti simbaan ken dagiti eskwela dayta a lugar, rason a kasapulan unay dayta a pedestrian lane, nangnangruna dagiti senior citizenken estudyante. Isu a saan koma a kunsintiren daytoy a supermarket dagiti anak ti diables a delivery truck a manggasaw-gasaw kadagiti paglintegan. No saan a mangiwayat ti aksyon daytoy a supermarketseknan iti daytoy, ipadanuntayo ti issueuray iti kangangatuan nga opisyal da! Ipakitatayo ti kinaawan ti panangiyalikaka daytoy nga establisemento kadagiti taga-ciudad ti Laoag!
***
BARD NOTES: Happy bard-reading to Badoc ABC President Virgilio Calajate, Ilocos Norte Provincial Treasurer Josephine P. Calajate, INEC President Enrico Ruiz, INEC Director Joseph Vergel P. Calajate, Provincial Agrarian Reform Program Officer II Vic M. Ines, DAR Chief Administrative Officer Rudy Acacio, Ms. Genedine Domingo Jambaro and PNB Pasuquin Branch Manager Metty V. Guerrero.
Greetings also to the employees of JVC Consortium, AMA Laoag, Ilocos Norte Regional School of Fisheries, Laoag City PNP, DAR Ilocos Norte, DepEd Laoag, DepEd Ilocos Norte and PNB Pasuquin.
