Mangrugi iti daytoy nga issue, irugitay man ti monthly horoscope, kailian. Intay tan-awan no ania dagiti mabalin a gunay dagiti bitbituenyo iti uneg ti maysa a bulan.
Ngem intay laglagipen a ti gasatyo agdepender met laeng kadakayo. Ken no iti Dios inkay agkararag, magun-odyo ti naimbag a biag.
Siempre, kas nainkasigudanen iti daytoy a column, adda met latta ipadigomi a “listaan”. Iti daytoy a lawas, ammuentay man dagiti lima a paborito a taraon dagiti Ilocano, a no masobraam, mabalin a pakaisagmakan.***
Gasatyo iti daytoy a bulan:
AQUARIUS – Nasam-it dagiti isem nga ipasabat ni bes kenka. Agsaganaka, umutang dayta. Lucky color: Pink. Lucky numbers: 5-6
PISCES – Maammuam a gimmatang ti baro a brief ni papam. Agsiputka, adda sabalina dayta. Lucky color: Red. Lucky numbers: 1-30
ARIES – Madlawam a peke dagiti uyek ti maysa nga empleadam. Sintirem, ag-absent manen dayta. Lucky color. Yellow. Lucky numbers: 13-3
TAURUS – Makitam nga aginbi-busy ti kaobraam. Siputam, agpukaw madamdama. Mapan manen maki-tong-its dayta. Lucky color: Brown. Lucky numbers: 32-37
GEMINI – Dillawen ni momshie a limmukmegka. Agkalma ka laeng. Aglako la’t herbal dayta. Lucky color: Green. 8-26
CANCER – Agleddaangka ta saan metten nga agte-text ni bff kenka. Urayem. Aglayosto manen ti textna inton adda masapulna. Lucky color: Orange. Lucky numbers: 22-32
LEO – Aprisiarennaka ni sir uray awan met naisangsangayan a naaramidmo iti trabaho. Alwadam, maka-arem dayta. Lucky color: Violet. Lucky numbers: 30-5
VIRGO – Isnabennaka tay crushmo a lalaki dita bangir nga opisina. Ana ngarud ket padam a nagmatres dayta. Lucky color: Green. Lucky numbers: 17-9
LIBRA – Awan mabati kenka a makan iti papanam a party. Malasmo ta immunan nga immatake dagitay kamkameng ti “supot gang”. Lucky color: Silver. Lucky numbers: 31-35
SCORPIO – Ungtannaka ni madam uray awan met ti problema. Pasensyaamun, natikagan ngamin uray saan met pay a tiempo’t kalgaw. Lucky color: Gray. Lucky numbers: 23-23
SAGITTARIUS – Awan mangilugan kenka a traysikelan uray dobliem ti pletem. Aw-awatem idan ta nangina ti pagpa-vulcanize ti tallo a ligay. Agreducekan. Lucky color: Orange. Lucky numbers: 10-26
CAPRICORN – Nagasatka ta makaawatka ti diskwento iti restaurant. Ngamin, ti ammoda ket senior citizenkan. Saanka koma pay a qualified ngem langam ti nagbasaranda. Congratulations! Lucky color: Gold. Lucky numbers: 36-37
***
5 a “comatose food” a paborito ni Ilocano:
1. Dinakdakan nga ad-adu pay utekna ngem dagitay dadduma a kokonsigkal ken bobo-kal.
2. Pinapaitan a nadangdangro pay ngem tay kabbalaymo a mabuteng ti sabon ken isiso.
3. Bagnet a kas kabengbeng tay rupa ken bulsa ni diables a pulitiko.
4. Callente a naar-artem pay ngem tay bagis ni mammartek nga amam.
5. Presko kilawen nga ad-adu pay iggesna ngem tay panunot ni aginsasanto a kaopisinaam.
***
BARD NOTES: Happy bard-reading to Badoc ABC President Virgilio Calajate, Ilocos Norte Provincial Treasurer Josephine P. Calajate, INEC President Enrico Ruiz, INEC Director Joseph Vergel P. Calajate, Provincial Agrarian Reform Program Officer II Vic M. Ines, DAR Chief Administrative Officer Rudy Acacio, Ms. Genedine Domingo Jambaro and PNB Pasuquin Branch Manager Metty V. Guerrero.
Greetings also to the employees of JVC Consortium, AMA Laoag, Ilocos Norte Regional School of Fisheries, Laoag City PNP, DAR Ilocos Norte, DepEd Laoag, DepEd Ilocos Norte and PNB Pasuquin.